Халықаралық дебюттік көркем фильмдер байқауының қазылар алқасы

Халықаралық дебюттік көркем фильмдер байқауының қазылар алқасы

• 30 Августа

Биылғы жылы дебюттік толықметражды фильмдер жеке байқауға бөлініп, оған 4 фильм іріктелді. Жеңімпазды киносаласының 4 маманы енген қазылар алқасы анықтайды.

Қазылар алқасының төрағасы:

Гульбара Толомушова (Қырғызстан) – кинотанушы және киносыншы, FIPRESCI және NETPAC мүшесі. «УМУТ» кинофорумының бағдарламалық жетекшісі.

Қазылар алқасының мүшелері:

Гаджыбала Сеферов (Әзербайжан) – кинотанушы, киносыншы және сценарист, кино жайлы Film Aç YouTube арнасының авторы.

Андрей Апостолов (Ресей) – киносыншы, креативті продюсер, «Окно в Европу» және«Горький fest» кинофестивальдерінің бағдарламалық директоры.

Молдияр Ергебеков (Қазақстан) – киносыншы, PhD, Қожа Ахмет Яссауи атындағы ХҚТУ қауымдастырылған профессоры, «Сана» бағдарламасының жүргізушісі.

IX Baiqonyr кинофестивалі 3-8 қыркүйек аралығында Алматыдағы MEGA Alma-Ata сауда орталығындағы Chaplin Cinemas кинотеатрында өтеді. Қатысушылар туралы толық ақпаратпен фестиваль сайтынан таныса аласыз.

Фестиваль дәстүрлі түрде ТМД-ға қатысушы мемлекеттердің Мемлекетаралық гуманитарлық ынтымақтастығы қорының қолдауымен өтеді.

Фестиваль жаңалықтарын baiqonyr.kz сайтында және Instagram желісіндегі baiqonyrfimfestival парақшасынан бақылап отырыңыз

• 30 Августа