2026 жылғы кинотану саласындағы жұмыстардың ұлттық сыйлығы V Алматы кинотанушылар мен кино сыншылары форумы аясында өтеді
2026 жылғы кинотану саласындағы жұмыстардың ұлттық сыйлығы V Алматы кинотанушылар мен кино сыншылары форумы аясында өтеді
19 қыркүйекте Алматыда ТМД елдері кинотанушылары мен кино сыншыларының V Алматы форумы аясында 2026 жылғы Кинотану саласындағы жұмыстардың ұлттық сыйлығы табысталады. Сыйлық кино тарихы мен теориясы саласындағы зерттеулерді қолдауға және насихаттауға, сонымен қатар қазақстандық кинотанушылар мен кино сыншыларының еңбегіне назар аударуға бағытталған.
Форум ТМД-ға қатысушы мемлекеттердің гуманитарлық ынтымақтастық жөніндегі мемлекетаралық қорының қолдауымен өтеді.
Кинотану саласындағы жұмыстардың ұлттық сыйлығы алғаш рет 2024 жылы Кинотанушылар мен кино сыншылары форумы аясында табысталды. Сыйлықтың пайда болуы кино зерттеушілері, сыншылар мен жас авторлардың көп жағдайда кең аудитория назарынан тыс қалатын кәсіби еңбегін танытудың тағы бір мүмкіндігіне айналды.
Осы уақыт ішінде сыйлық Қазақстандағы кинотану мен кино сынының түрлі бағытында еңбек етіп жүрген мамандарға табысталды. 2024 жылы Азиза Қуандық үздік студенттік жұмысы үшін, Әсия Бағдәулетқызы «KinoScope» телебағдарламасы үшін, Камила Габдрашитова «The Kazakh Poet, Darezhan Omirbaev» мақаласы үшін марапатталды. Ал кинотану саласын дамытуға қосқан үлесі үшін арнайы сыйлық кинотанушы, Қазақстан кино сыншылары қауымдастығының президенті Гүлнара Әбікееваға табысталды.
Сыйлық аясында студенттік зерттеулер, кино туралы мақалалар мен телевизиялық жобалар атап өтіледі. Ал «Кинотану саласын дамытуға қосқан үлесі үшін» арнайы марапаты кәсіби ортаның дамуына және қазақстандық киноны зерттеуге елеулі үлес қосқан мамандарға беріледі.
2026 жылы да кинотану саласындағы үздік жұмыстар студенттік жұмыс, телевизиялық бағдарлама және мақала, сонымен қатар кинотану саласын дамытуға қосқан үлес сияқты бірнеше бағыт бойынша бағаланады.
2026 жылғы кинотану саласындағы жұмыстардың ұлттық сыйлығының марапаттау рәсімі 19 қыркүйекте сағат 14:00-ден 15:00-ге дейін ТМД елдері кинотанушылары мен кино сыншыларының V Алматы форумы аясында өтеді.
Пікір жоқ, бірінші болып жазыңыз
, пікір қалдыру үшін