IX Baiqonyr Film Festival: Ұлттық байқау қазылар алқасы

IX Baiqonyr Film Festival: Ұлттық байқау қазылар алқасы

• 23 Августа, 2024

Бес сарапшыдан тұратын IX Baiqonyr кинофестивалінің Ұлттық байқауының қазылар алқасын таныстыруға дайынбыз.

Қазылар алқасының төрағасы:

Лилия Немченко (Ресей) – кинотанушы, «Кинопроба» киномектептер фестивалінің директоры. Сонымен қатар, ол Кино ғалымдары мен киносыншылар гильдиясы кеңесінің мүшесі. 80-нен астам ғылыми мақалалардың авторы.

Қазылар алқасының мүшелері:

Шарофат Арабова (Тәжікстан) – режиссер, киносыншы, Netpac және Тәжікстан кинематографистер одағының мүшесі. Тәжік киносы бойынша монографиялардың авторы, тарих ғылымдары кандидаты.

Георгий Размадзе (Грузия) – кинотанушы, өнертану ғылымының докторы (PhD), Грузиядағы Шота Руставели университетінің оқытушысы.

Айсұлу Әзімбаева (Қазақстан) – танымал актриса. Ол «Хирург», «Бизнесмены», «Она», «В сетях» және басқа да фильмдердегі рөлімен танымал. «В сетях» фильміндегі рөлі үшін Айсұлу «Тұлпар» киносыйлығының «Үздік әйел рөлі» жүлдесін алды.

Султан Усувалиев (Қырғызстан) – кинотанушы, өнертану кандидаты, режиссер, продюсер және Орталық Азиядағы Америка университетінің оқытушысы.

X Baiqonyr кинофестивалі 3-8 қыркүйек аралығында Алматыдағы MEGA Alma-Ata сауда орталығындағы Chaplin Cinemas кинотеатрында өтеді. Ұлттық байқауға 17 фильм іріктелді.

Фестиваль дәстүрлі түрде ТМД-ға қатысушы мемлекеттердің Мемлекетаралық гуманитарлық ынтымақтастығы қорының қолдауымен өтеді.

Фестиваль жаңалықтарын baiqonyr.kz сайтында және Instagram желісіндегі baiqonyrfimfestival парақшасынан бақылап отырыңыз

• 23 Августа, 2024